ශ්‍රී ලංකා බැඩ්මින්ටන් ක්‍රිඩක නිලූක කරුණාරත්න රියෝ ඔලිම්පික් තරග බිමේ සහභාගි වු පළමු තරග ඉසව්වෙන් පරාජයට පත්වුවද පදක්කම් බලාපොරොත්තු තවමත් අවසන් වී නැහැ.
ඒ, ඔහු සහභාගි වන තවත් බැඩ්මින්ටන් තරග දෙකක් ඉදිරියේදී පැවැත්වීමට නියමිතව ඇති බැවින්. ඉන් එක් තරගයක් හෙට පැවැත්වෙනවා. මෙම තරග දෙකේදී නිලූක දක්වන දක්‍ෂතා මත අවසන් 16 දෙනාගේ වටයට සුදුසුකම් ලැබීමට ඔහුට අවස්ථාව උදාවනු ඇති.
ශ්‍රී ලංකා වේලාවෙන් ඊයේ රාත්‍රියේ පැවති නිලූක සහභාගි වූ පළමු තරගයෙන් ඔහු පරාජයට පත්වුයේ තරග වට දෙකට බින්දුවක් ලෙසයි. ඒ, චීනයේ චෙන් ලොන්ග් හමුවේයි. පළමු වටය ලකුණු 21 ට 7 ක් ලෙසත්, දෙවන වටය 21 ට 10 ක් ලෙසත් චීන ක්‍රීඩකයා ජයගත්තා.
