මිනීමරු අලියා අල්ලයි

අනුරාධපුර, තිරප්පනේ ප‍්‍රදේශයේ ගම්මාන රැසක ජනතාවට තර්ජනයක්ව සිටි මිනීමරු වනඅලියෙකු අද (03) අලුයම නිර්වින්දනය කර අල්ලා ගැනීමට වනජීවි නිලධාරීන් සමත් වුණා.

ඒ, දින 4 ක් පුරා සිදු කෙරුණු අඛණ්ඩ මෙහෙයුමකින් අනතුරුවයි. මීට දින කිහිපයකට පෙර මෙම වනඅලියාගේ පහරදීමෙන් 54 හැවිරිදි තිදරු මවක් ඝාතනයට ලක් වුණා.

ගතවු මාස 4 ක කාලය තුළ මෙම වනඅලියාගේ පහරදීමෙන් පුද්ගලයන් සිව් දෙනෙකු මියගොස් තිබෙනවා. නිර්වින්දනය කර අල්ලා ගැණුනු වනඅලියා හොරොව්පතාන වනඅලි රැඳවුම් මධ්‍යස්ථානය වෙත රැගෙන යාමට නියමිතයි.