ගල්කිස්ස ප්‍රදේශයේ සිදු කළ වැටලීම් දෙකකදී හෙරොයින් සමග සැකකරුවන් දෙදෙනෙකු අත්අඩංගුවට ගෙන තිබෙනවා.
ඒ, ගල්කිස්ස කොට්ඨාස අපරාධ විමර්ශන කාර්යංශය මගින් වෙඩිකන්ද ප්‍රදේශයේ සහ බඩෝවිට ප්‍රදේශයේදී සිදු කළ වැටලීම්වලදීයි.
අදාළ වැටලීම්වලදී හෙරොයින් ග්‍රෑම් 15යි මිලි ග්‍රෑම් 500ක් ද ගල්කිස්ස පොලිසිය විසින් සොයාගෙන තිබෙනවා.
අත්අඩංගුවට ගත් සැකකරුවන් 28 සහ 43 යන වයස්වල පසුවන ගල්කිස්ස සහ පොල්ගස්ඕවිට ප්‍රදේශවල පදිංචිකරුවන්.
සිද්ධිය සම්බන්ධ වැඩිදුර විමර්ශන ගල්කිස්ස පොලීසිය මගින් ක්‍රියාත්මකයි.
