ජනතා විමුක්ති පෙරමුණ ඔවුන් පරාජයේ පෙරමග ලකුණු වලින් වියරු වැටි ඇති බව පාර්ලිමේන්තු කටයුතු පිළිබඳ ජනාධිපති ජ්‍යෙෂ්ඨ උපදේශක මහාචාර්ය ආශුබෝධ මාරසිංහ පවසනවා.
ඔහු මේ බව පවසා සිටියේ සිරිකොත පක්ෂ මූලස්ථානයේ පැවැති මාධ්‍ය හමුවේදී
88 89 කාලයේදී ජනතා විමුක්ති පෙරමුණ මෙලෙස හැසිරුණ බවත් බලහත්කාරයෙන් තර්ජනයෙන් හැම තැනකම වැඩ වර්ජන ක්‍රියාත්මක කරලා ජන ජීවිත අවුල් කර බවද ආශුබෝධ මාරසිංහ පවසා සිටියා.
සිරිකොත පක්ෂ මූලස්ථානයේ පැවැති මාධ්‍ය හමුවේදී පවසා සිටියේ මෙවැන්නක්
" ජනතා විමුක්ති පෙරමුණ ඔවුන් පරාජයේ පෙරමග ලකුණු වලින් වියරු වැටිලා කියලා අපි හිතනවා.
අපි හිතන්නේ මොකද හේතුව 88 89දිත් ජනතා විමුක්ති පෙරමුණ හැසිරුණේ මේ ආකාරයටයි.
බලහත්කාරයෙන් තර්ජනයෙන් පාසැල් ළමුන්ව පාරට බැස්සුවා.
පාසල් වසා දැම්මා .
හැම තැනකම වැඩ වර්ජන ක්‍රියාත්මක කරලා ජන ජීවිත අවුල් කළා.
ඉදිරි ජනාධිපතිවරණයේදී ජනතා විමුක්ති පෙරමුණ දිනනවා කියලා විශ්වාස නම් තව පෝය තුනයිනේ තියෙන්නේ.
ඉතින් පෝය තුන ඒගොල්ලන්ට පුළුවන්නේ පඩි වැඩි කරන්න .
ඇයි මේ පාරට බස්සලා වැටුප් වැඩිවීම් ඉල්ලන්නේ .
දැන් තව සතියකින් දෙකකින් විතර ජනාධිපතිවරණය ගැන මැතිවරණ කොමිෂන් ප්‍රකාශ කරයි එතකොට ඒගොල්ලන්ට පුළුවන්නේ.
ඕන ඕන අයට වැඩි කරගන්නත් පුළුවන්නේ. ඔවුන් දන්නවා දිනන්නේ නැහැ කියලා.
බලහත්කාරයෙන් බිය වැද්දවීම තමයි මේ කරන්න හදන්නේ. ගුරුවරුන්ගෙන් 99%ක්ම ඉතාම අහිංසක යි.
ඡන්ද දවසට මේ බලහත්කාරය පාවිච්චි කරන්න වුවමනා මානසික පීඩනය රජයෙ සේවකයින්ට හා ඡන්දදායකින් තුළ ඇති කරන බියවැද්දවීම තමයි මේ කරන්න හදන්නේ .
සාමාන්‍ය පුරවැසියන්. රජය සේවකයින්ගේ තත්වෙත් ඒකමයි. අපි දැන් කතා කළාම සමහර පාසල්වල විදුහල්පතිවරු කියන්නේ අපේ පාසලේ ගුරුවරු සීයක් ඉන්නවනම් මේ එක්කෙනෙක් නැත්නම් දෙන්නෙක් තමයි මේ වර්ජන රැල්ල ක්‍රියාත්මක කරන්න බලපෑම් කරන්නේ.
ඔවුන් තමයි චෝදනා එල්ල කරන්නේ කියලා අපිට දැන් ආරංචි වුණා. ඊයේ පෙරේදත් කොළඹ 10 ප්‍රදේශයේ බාලිකා පාසලක සුළු සේවකයෙකුට ජනතා විමුක්ති පෙරමුණේ මේ වැඩ වර්ජන මෙහෙයවන ගුරුවරයෙක් ප්‍රචණ්ඩ ලෙස පහර දුන්න කියලා
දැන් ඒ සදහා පරීක්ෂණයක් පැවැත්වෙනවා. ඒ වගේ නීතිය ක්‍රියාත්මක කෙරෙන්නත් ඕනෑ. ජනතා විමුක්ති පෙරමුණ හිතනවා
නම් තර්ජනයෙන් වැඩ වර්ජනය කරන එක ජයග්‍රහණයක් කියලා මම කියන්න කැමතියි ඒක තමයි ඔවුන්ගේ අන්ත පරාජය කියලා.
බලයෙන් පාරට ඇදලා දාලා තමනුත් පාරට දැම්මේ බලෙන් කියලා ඒ ආපු අය කියනවා. මේ හැම කෙනෙක්ටම ඡන්දයක් තියෙනවා.
ඔවුන්ගේ පවුල්වල අයට ඡන්ද හතරක් පහක් තියෙනවා.
මේ බලෙන් පාරට ඇදලා දැම්ම අයට කියන්නේ මෙන්න මේ ලැබෙන ඡන්ද ටිකක් නැති කරගන්න තමයි හදන්නේ. මෙහෙම බලෙන් චන්ද අරගෙන හරි බලයට පත් කරගත්තොත් මොකද වෙන්නේ?
අසූ අට අසූ නවයේ අසුනා වගේ දේශනයේ දියත් කරලා මිනී මරලා, ඒගොල්ලෝ නැවත භිෂණය ඇති කරලා තමයි නවතින්නේ. මේ අමාරු වෙලාවෙ ඇයි මේ ඉල්ලා සිටින පඩි වැඩිවීම දෙන්න බැරි.
දැනට අය කරන vat බද්ධ සියයට විසි එකක්වත් කරන්න වෙනවා. 2022 ජනාධිපතිවරයා රට භාර ගත්ත වෙලාවේදී ජනාධිපතිතුමාට ලොකුම අභියෝගය තමයි කොහොමද ඊළඟ මාසේ රජයේ සේවකයින්ට පඩි ගෙවන්නේ කියන එකයි.
මොකද 2020/12/31 අපේ රටේ තිබුන ආදායම සහ වියදම අතර පරතරය නැත්නම් ප්‍රාථමික ගිණුමේ ශේෂය ඍණ බිලියන 895 යි.ඒ කියන්නේ මේ මොහොතේ රජයේ ඉහළ නිලධාරීන් ජනාධිපතිතුමාට යෝජනා කළේ රජයේ සේවකයින්ගේ වැටුප ඊළඟ මාසයේදී සියයට පනහකින් අඩු කරමු කියලයි.
ඔහු ඒ මොහොතේ කීවේ රජයේ සේවකයින්ට කිසිසේත් අත තියන්න බැහැ කියලයි. ඒ වෙලාවේ අදාළ මුදල් හොයාගත්තේ අපිට ගෙවන්නට තියෙන බදු මුදල් කලින් ඒ සමාගම් වලට කියලා කතා කරලයි කියන එක අපි දන්නවා.
2022 ජූලි අගෝස්තු මාසෙ වෙද්දී පඩි ගෙව්වා. ඒ වගේම විස්සයි විසිතුනේදී රුපියල් දහදාහක වැටුප් වැඩි කරන්න හැකියාව ලැබුණා.
රජයේ සේවකයන් පිළිබඳව ඒ ආකාරයට කල්පනා කරද්දී සමහර අය වෘත්තිය ක්‍රියාමාර්ගවලට ඇවිල්ලා තියෙනවා.
ඒ වගේම අද දවසේ කැබිනට් මණ්ඩලය තීරණය කළේ 2024 ජූලි මස 08 සහ 09 යන දෙදින තුළ කෘතිය ක්‍රියාමාර්ගවලට සම්බන්ධ නොවී සේවයට වාර්තා කරන ලද විධායක ශ්‍රේණියේ ගණයට අයත් නොවන රාජ්‍ය සේවකයින් ඇගයීමක් කරන්න.
ඔවුන් වෙනුවෙන් විශේෂ වැටුප් වර්ධකයක් ලබාදීමට රජය තීරණය කර තිබෙනවා .
ඒ වගේම ඉදිරි උසස් වීම් සඳහා බලපැවැත්වෙන පරිදි විශේෂ ප්‍රශංසා සහතික කුත් කරන ලෙස සියලු අමාත්‍යාංශ ලේකම්වරුන්ට සහ දෙපාර්තමේන්තු ප්‍රධානීන් ඇතුළු පළාත් ප්‍රධාන ලේකම්වරුන් වෙතට පළාත් පාල අමාත්‍යංශය ලේකම් මගින් චක්‍රලේඛයක් නිකුත් කිරීමටත් පියවර අරගෙන තිබෙනවා.
වෘත්තිය ක්‍රියාමාර්ගවලට සම්බන්ධ වූ සියලුම දෙනාට එවැනි කිසිදු වැටුප් වර්ධකයක් ලැබීමක් සිදුවන්නේ නැහැ.
රටක් ගොඩනගන්නට සහ ස්ථාවර කරන්නට මෙවැනි නිර්භීත තීරණ අවශ්‍ය වෙනවයි කියන එක රටේ ජනතාව තේරුම් ගත යුතුයි."
