පිලිපීන වෙරළට ඔබ්බෙන් වූ මුහුදේ චීනය සිය ගුවන් යානා ප්‍රවාහක නෞකාවක් වන 'ෂැන්ඩොන්ග්' නෞකාව යොදවා ඇතැයි වාර්තා වනවා.
එය මතභේදයට තුඩු දී ඇති දකුණු චීන මුහුදේ වෙරළ තීරයක් පිළිබඳ සිය හිමිකම් ප්‍රකාශ කිරීමට පිලිපීනයේ උත්සාහ කිරීම වේගවත් කර ඇති බවයි වාර්තා වන්නේ.
ටොන් 70,000 ක් පමණ ප්‍රවාහනය කළ හැකි ගුවන් යානා වාහක නෞකාවක් වන ෂැන්ඩොං, දකුණු චීන මුහුදේ චීන දූපත් සහ ගල්පර ආශ්‍රිතව පිලිපීනයේ ප්‍රකෝප කිරීම්වලට එරෙහිව වැලැක්වීමක් ලෙස ක්‍රියා කරන බවයි පැවසෙන්නේ.
කෙසේවෙතත් එම නෞකව පිලිපීන මුහුදු සීමාවට ඇතුළු වී මුර සංචාරයේ යෙදී සිටිනු දක්නට ලැබුණු බව ද ග්ලෝබල් ටයිම්ස් පුවත්පත වාර්තා කළා.
කෙසේවෙතත් ගුවන් යානා ප්‍රවාහන නෞකාව බටහිර පැසිෆික් කලාපයට දුර මුහුදු ගමනක් සඳහා ද සූදානම් කළ හැකි නියමිත අභ්‍යාසයක යෙදී සිටින බවයි චීන විශේෂඥයින් උපුටා දක්වමින් එම පුවත් සේවය පැවසන්නේ.
චීනයේ මහජන විමුක්ති හමුදාව පිලිපීනය සමඟ සමුද්‍රීය භෞමික ගැටුම උත්සන්න වීමත් සමඟ විශාල හා මධ්‍යම පරිමාණ හමුදා නෞකා දකුණු චීන මුහුදේ ස්ථාන ගත කිරීම වේගවත් කර ඇති බව ද වාර්තා වනවා.
දකුණු චීන මුහුදේ තෝමස් ෂෝල් පිලිබඳ ආතතීන් මධ්‍යයේ භෞමික මුහුදු ස්වෛරීභාවය ආරක්ෂා කිරීමට චීනයේ දැඩි අධිෂ්ඨානය වී ඇතැයි ද මාධ්‍ය වාර්තා පැවසුවා.
