යුද්ධය සහ සාමය ප්‍රකාශ කිරීමේ බලය හැර ජනාධිපතිවරයාගේ සෑම බලයක්ම අධිකරණ බලයට යටත් වන බව ජනාධිපති නීතීඥ සාලිය පීරිස් පවසනවා.
ඒ අනුව විධායකයේ කොටසක් වන ආණ්ඩුක්‍රම ව්‍යවස්ථා සභාවද අධිකරණයට යටත් බවයි නෙත් නිවුස් කළ විමසීමකදී ඔහු කියා සිටියේ.
දේශබන්දු තෙන්නකෝන්ට පොලිස්පති ධූරයේ කටයුතු කිරීම වළක්වාළමින් ශ්‍රේෂ්ඨාධිකරණය පැනවූ වාරණ නියෝගය සම්බන්ධයෙන් කරුණු දක්වමින් ජනාධිපති නීතීඥ සාලිය පීරිස් මෙම අදහස් පළ කළා.
අධිකරණය විසින් මීට පෙර ලබා දුන් තීන්දු කිහිපයක් සම්බන්ධයෙන්ද මෙහිදී පැහැදිලි කෙරුණා.
ශ්‍රේෂ්ඨාධිකරණය ලබා දුන් තීරණයකට එරෙහිව පාර්ලිමේන්තුවට තීරණයක් ලබා දීමේ හැකියාවක් නොමැති බවද ජනාධිපති නීතිඥ සාලිය පීරිස් වැඩිදුරටත් කියා සිටියා.
