බ්‍රිතාන්‍යයේ විදේශ අමාත්‍ය ඩේවිඩ් ලැමී යුක්‍රේනයට එරෙහි යුද්ධයේදී රුසියාවට චීනය දක්වන සහයෝගය පිළිබඳව කනස්සල්ල මතු කර තිබේ.
ඒ, ඔහුගේ චීන සංචාරය අතරතුරදීයි.
බිජිං නුවරදී චීනයේ විදේශ අමාත්‍ය වැන්ග් යී හමුවෙමින් බ්‍රිතාන්‍යයේ විදේශ අමාත්‍ය ඩේවිඩ් ලැමී ඉල්ලා ඇත්තේ රුසියානු හමුදාවට චීන සමාගම් සිදු කරන ආයුධ සැපයීම වැළැක්වීමට පියවර ගන්නා ලෙසයි.
ඩේවිඩ් ලැමි මෙම අදහස් පළ කළේ ජූලි මාසයේදී බ්‍රිතාන්‍යයේ කම්කරු පක්ෂය බලයට පත්වීමෙන් පසු කැබිනට් අමාත්‍යවරයෙකු විසින් චීනයේ සිය පළමු සංචාරය සිදු කරන අවස්ථාවේදීය.
ඔහු සිකුරාදා උප අගමැති Ding Xuexiang හමුවී එදිනම පසුව විදේශ අමාත්‍ය Wang Yi සමඟ සාකච්ඡා පැවැත්වීය.
දින දෙකක සංචාරය චීනයට එල වන ඔත්තු බැලීමේ චෝදනා, යුක්රේන යුද්ධයේදී රුසියාවට චීනයේ සහයෝගය සහ හිටපු බ්‍රිතාන්‍ය යටත් විජිතයක් වූ හොංකොං හි සිවිල් නිදහස කඩාකප්පල් කිරීම සම්බන්ධයෙන් මෑත වසරවල දෙරටෙහි සබඳතා පළුදු වූ පසු චීනය සමඟ සබඳතා යළි පිහිටුවීමේ උත්සාහයක් බව විදෙස් මාධ්‍ය පවසයි.
