යොවුන් ආසියානු කුසලාන ක්‍රිකට් තරගාවලියේ ඇෆ්ගනිස්ථාන කණ්ඩායම සමඟ පැවති තරයෙන් ශ්‍රී ලංකා කණ්ඩායම අද ලකුණු 131 ක පහසු ජයක් හිමිකර ගැනීමට සමත් වුණා.
තරගයේ ප්‍රථමයෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 50 අවසානයේදී කඩුලු 07 ක් දැවී ලකුණු 243 ක් රැස් කළා.
එහිදී ශ්‍රී ලංකා කණ්ඩායම වෙනුවෙන් සුපිරි ඉණිමක් ක්‍රීඩා කළ සරූජන් සම්මුගනාදන් ලකුණු 102 ක් රැස්කළ අතර පුළිඳු පෙරේරා ලකුණු 53 ක් රැස් කළා.
ජයග්‍රාහී ලකුණු 244 ක ඉලක්කයක් හඹා ගිය ඇෆ්ගනිස්ථාන යොවුන් කණ්ඩායමට පන්දුවාර 28 යි පන්දු 02 ක් තුළදී සියලු දෙනා දැවී ලබාගත හැකි වූයේ ලකුණු 112 ක් පමණි.
පන්දු යැවීමේදී ප්‍රවීන් මතීශ කඩුලු 03 ක් බිඳ හෙලුවා.
