ලංකා ටී ටෙන් ක්‍රිකට් තරඟාවලියේ අවසන් මහා තරඟාවලිය අද

ලංකා ටී ටෙන් ක්‍රිකට් තරඟාවලියේ අවසන් මහා තරඟාවලිය අද පැවැත්වෙනවා. 

ඒ, ජැෆ්නා ටයිට්න්ස් සහ හම්බන්තොට බංග්ලා ටයිගර්ස් කණ්ඩායම අතරයි. 

ඊයේ පැවති පළමු අවසන් පූර්ව තරඟයට සුදුසුකම් ලබාසිටියේද මෙම කණ්ඩායම් දෙකයි. 

එහිදී හම්බන්තොට බංග්ලා ටයිගර්ස් කණ්ඩායම, ලකුණු 39කින් පරාජය කිරීමට ජැෆ්නා ටයිට්න්ස් කණ්ඩායම සමත් වුණා.

පසුව දෙවන අවසන් පූර්ව තරඟය පැවැත්වුණේ කැන්ඩි බෝල්ට්ස් කණ්ඩායම සහ ගෝල් මාවලස් කණ්ඩායම අතරයි. 

එම තරඟයෙන් ගෝල් මාවලස් කණ්ඩායම කඩුලු 06කින් ජය ගත්තා. 

ඒ අනුව අවසන් මහා තරඟයට සුදුසුකම් ලබන දෙවන කණ්ඩායම තෝරා ගැනෙන තීරණාත්මක තරඟය ගෝල් මාවලස් කණ්ඩායම සහ හම්බන්තොට බංග්ලා ටයිගර්ස් කණ්ඩායම අතර පැවැත්වුණා.

එම තරඟය කඩුලු 04කින් ජය ගනිමිනුයි හම්බන්තොට බංග්ලා ටයිගර්ස් කණ්ඩායම අවසන් මහා තරඟයට සුදුසුකම් ලබා ගත්තේ.