බිංගිරිය ප්‍රදේශයේදී ජාතික ජන බලවේගයේ පාර්ලිමේන්තු මන්ත්‍රීවරුන් දෙදෙනෙකුට විරෝධය පල කරමින් කලහකාරී ලෙස හැසිරී එක් මන්ත්‍රීවරයෙකුට පහරදුන් පුද්ගලයෙකු පොලිසිය මඟින් අත්අඩංගුවට ගෙන තිබෙනවා.
එලෙස අත්අඩංගුවට ගෙන ඇත්තේ 39 හැවිරිදි බිංගිරිය ප්‍රදේශයේ පදිංචිකරුවෙක්. ජාතික ජන බලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රී විජේසිරි බස්නායක මහතා සහ පුත්තලම දිස්ත්‍රික් පාර්ලිමේන්තු මන්ත්‍රී අජිත් ගිහාන් මහතා එම සිද්ධියට මුහුණ පෑවා.
ඒ, බිංගිරිය ප්‍රදේශයේ ඇගලුම්හලක නිරීක්ෂණ චාරිකාවකට එක්වී ආපසු යමින් සිටියදීයි. එහිදී මන්ත්‍රීවරුන් දෙදෙනා ගමන් කළ වාහන දෙක අවට පිරිස් විසින් වටකර ඒවාට පහර දීමට උත්සාහ කර තිබෙනවා.
එහිදී රැස්ව සිටි පිරිසක් විසින් මන්ත්‍රීවරුන් දෙදෙනාට පහරදී කලහකාරී ලෙස හැසිරුණු බවයි නෙත් නිවුස් වාර්තාකරු පැවසුවේ.
ඉන් අනතුරුව සිද්ධිය වූ ස්ථානයට පැමිණි බිංගිරිය පොලිස් ස්ථානයේ නිලධාරින් කණ්ඩායමක් විසින් මන්ත්‍රීවරුන් දෙදෙනා ආරක්ෂිතව එම ස්ථානයෙන් පිටත් කර යවා තිබෙනවා.
සිද්ධිය සම්බන්ධයෙන් එම මන්ත්‍රීවරුන් දෙදෙනා විසින් පොලිසියට පැමිණිල්ලක් කර ඇති බවද වැඩිදුරටත් වාර්තා වුණා.
අදාල සිද්ධියට මුහුණ පෑ පාර්ලිමේන්තු මන්ත්‍රී විජේසිරි බස්නායක මහතා ඒ සම්බන්ධයෙන් මාධ්‍ය වෙත මෙලෙස අදහස් පළ කළා.
