පළමු වසරට සිසුවෙකු ඇතුළත් කර ගැනීමට අල්ලස් මුදලක් ලෙස රුපියල් 25,000 ක් ඉල්ලා සිටීම හා එම මුදල් ලබා ගැනීමේ චෝදනා සම්බන්ධයෙන් පැවැත් වූ නඩු විභාගයකින් හිටපු විදුහල්පතිනියක වරදකාරිය වී තිබෙනවා.
2009 වර්ෂයේ දී මෙම සිද්ධිය ඇති වී තිබෙන අතර ඊට අදාළ නඩුව කොළඹ මහාධිකරණයේදී විභාග කෙරුණා.
ඒ අනුව පානදුර මහානාම නවෝද්‍යා පාසලේ හිටපු විදුහල්පතිනියට මෙලෙස කොළඹ මහාධිකරණය අද (29) වසර අටක බරපතළ වැඩ සහිත සිර දඩුවම් නියම කිරීමට නියෝග කළා.
සිරදඬුවමට අමතරව නදීකා පීරිස් නැමැති හිටපු විදුහල්පතිනියට රුපියල් 5000 ක දඩයක් ද ගෙවීමට මහාධිකරන විනිසුරු ගිහාන් කුලතුංග නියෝග කර තිබෙනවා.
අල්ලස් කොමිෂන් සභාව විත්තිකාරියට එරෙහිව මහාධිකරනයේ නඩු පවරා තිබුණා.
