කැරිබියානු කලාපයේ ලීවර්ඞ් දිවයින් වෙත අත්ලාන්තික් සාගරයේ හට ගත් සුළි සුළඟ වන මරියා චණ්ඩ මාරුතය වර්ධනය වී ළඟාවෙමින් පවතින බව අමෙරිකානු සුළි සුළං මධ්‍යස්ථානය ප්‍රකාශ කළා.
ඉදිරි පැය 48 තුළ එම දිවයින් වෙත මෙම කුණාටුව ළඟා වනු ඇතැයි අපේක්ෂා කරනු ලබනවා.
මරියා සුළි සුළඟ ගමන් ගන්නේ කැරිබියානු කලාපයට ඉමහත් හානියක් සිදුකළ ඉර්මා සුළි සුළඟ ගමන් ගත් පථය ඔස්සේ වීම තවත් විශේෂිතයි.
මීට අමතරව හෝසේ නැමැති තවත් සුළි සුළඟක් මෙන්ම ලී ලෙස නම් කෙරුණු අවපීඩන තත්ත්වයක් අත්ලාන්තික් කලාපයෙන් වාර්තා වනවා.
කෙසේ නමුත්, ඉන් වැඩිම බලපෑමක් අපේක්ෂා කෙරෙන්නේ මරියා මාරුතයෙන්.
