රත්මලාන බොරුපන පාලම අසල තිබී වෙන්වී ගිය මෝටාර් උණ්ඩයක කොටසක් බවට සැක කෙරෙන කොටසක් හමුවී තිබෙනවා.
අද (27) උදෑසන පාලම අසලින් ගමන් ගත් පුද්ගලයකු මෙම උණ්ඩ කොටස් දැක පොලිස් හදිසි ඇමැතුම් ඒකකයට ලබා දුන් තොරතුරක් මත එම ස්ථානයට පැමිණි ගල්කිස්ස පොලීසිය මේ බව අනාවරණය කර ගත්තා.
මේ වන විට අදාළ ස්ථානයට පොලිස් විශේෂ කාර්ය බලකායද කැඳවීමට පියවර ගෙන ඇති බවයි පොලිස් මාධ්‍ය ප්‍රකාශක කාර්යාලය සඳහන් කළේ.
