නෙත් එෆ්.එම්. රේඩියෝව සංවිධාන කරන අයස්කාන්තය ප්‍රසංගය කොළඹ නෙළුම් පොකුණ රඟහලේදී අද පැවැත්වෙනවා.
සවස 6.30ට මෙම ප්‍රසංගය ආරම්භ කිරීමට නියමිතයි.
ප්‍රවීණ ගායන ශිල්පිනී නීලා වික්‍රමසිංහ පෙරටු කරගනිමින් තරු දරු පිරිසක් අයස්කාන්තය ප්‍රසංගයේදී ගීත ගායන කිරීමට සූදානමින් සිටිනවා.
රූකාන්ත චන්ද්‍රලේඛා යුවළගේ දියණිය වන රයිනි, අමල් පෙරේරාගේ පුත් නදීමාල්, ප්‍රියංකර පෙරේරාගේ පුත් ඩිල්මින් සහ සංගීත් වික්‍රමසිංහගේ පුත් සනුක එම තරු දරු පිරිසයි. සංගීත් විජේසූරිය ප්‍රමුඛ වායෝ අයස්කාන්තය ප්‍රසංගයේ සංගීතය මෙහෙයවනවා.
මෙම ප්‍රසංගය සඳහා නිකුත් කෙරුණු සියලූ ප්‍රවේශ පත්‍ර මේ වන විට විකිණී අවසන්. ප්‍රසංගය පැවැත්වෙන නෙළුම් පොකුණ රඟහලේ හෝ වෙනත් කිසිදු ස්ථානයකදී මේ වන විට ප්‍රවේශ පත්‍ර අලෙවි කිරීමට නැහැ.
ප්‍රවේශ පත් මිලදී ගත් රසිකයින් කල්වේලා ඇතිව නෙළුම් පොකුණ රඟහල වෙත පැමිණීම පහසුවක් වනවා. ජාත්‍යන්තර මට්ටමේ සුන්දර සංගීතමය අත්දැකීමක් රසිකයින්ට තිළිණ කිරීම අයස්කාන්තය ප්‍රසංගයේ අපේක්ෂාවයි.
