වර්ධා සුළි කුණාටුවේ බලපෑම හේතුවෙන් ඉන්දියාවේ ගිනිකොනදිග වෙරළ කලාපයේ දහස් සංඛ්‍යාත පිරිසක් ඉවත් කර ඇති බව ඉන්දීය මාධ්‍ය වාර්තා කළා.
මේ වන විට සුළි කුණාටුවේ වේගය පැයට කිලෝමීටර් 120කට අධිකයි.
මේ හේතුවෙන් තමිල්නාඩු සහ අන්ද්‍රා ප‍්‍රදේශ් යන ප‍්‍රාන්තවලට ධාරාණිපාත වැසි සහ සුළං තත්ත්වයක් ද හටගෙන තිබෙනවා.
හදිසි තත්ත්වයකට මුහුණදීම සඳහා නාවික හමුදාව සහ එරට ජාතික ආපදා කළමනාකරණ බළකායේ කණ්ඩායම් ද දැනටමත් සූදානම් කර අවසන්.
බලපෑම් එල්ල වෙතැයි සැලකෙන ප‍්‍රදේශයේ ගමනාගමන කටයුතු ද සීමා කර ඇති අතර තමිල්නාඩු ප‍්‍රාන්තයේ පාසල් ද වසා දමා තිබෙනවා.
