ජනාධිපති ව්ලැඩිමීර් පුටින් විසින් වයස අවුරුදු 18ත් 30 අතර පිරිමි පුද්ගලයින් 160,000ක් ( එක් ලක්ෂ හැටදහක්) රුසියානු හමුදාවට කැඳවා තිබෙනවා.
එය 2011 වසරෙන් පසු රුසියාවේ හමුදාවට වැඩිම පිරිසක් බඳවාගත් පළමු අවස්ථාව මෙය වනවා.
එය රුසියානු හමුදාවේ සංඛ්‍යාව පුළුල් කිරීමට ගත් විශේෂ පියවරක් ලෙසයි විදෙස් මාධ්‍ය වාර්තා කළේ.
රුසියානු හමුදාවේ සමස්ත ප්‍රමාණය මිලියන 2යි දශම 3යි 9 කටත් ක්‍රියාකාරී හමුදා භටයින් සංඛ්‍යාව මිලියන 1යි දශම 5 දක්වා වැඩි කළ යුතු බවටත් එරට ජනාධිපතිවරයා පවසා තිබුණා.
කෙසේවෙතත් යුක්රේනයේ සටන් කිරීමට නව හමුදා භටයින් යෙදවීමක් සිදු නොවන බවයි රුසියානු බලධාරීන් පවසා ඇත්තේ.
කෙසේවෙතත් යුක්‍රේන රුසියානු යුද්ධය මෙතෙක් අවසන් වී නැහැ. යුක්රේනය පැවසුවේ දකුණුදිග කෙර්සන් නගරයේ විදුලි බලාගාරයකට එල්ල වූ රුසියානු ප්‍රහාරයකින් පුද්ගලයින් 45,000 කට විදුලිය අහිමි වූ බවයි.
රුසියාව විසින් යුක්රේනය සමඟ පූර්ණ සටන් විරාමයක් ප්‍රතික්ෂේප කළ නමුත් යුක්රේනයේ බලශක්ති පහසුකම්වලට පහර දීම නැවැත්වීමට ඔවුන් එකඟ වූ බවයි විදෙස් මාධ්‍ය මීට පෙර වාර්තා කර තිබුණේ.
