භූ කම්පනයෙන් ආපදාවට ලක්වූ මියන්මාරයට සහය දැක්වීම සඳහා ආරම්භ කළ ''Operation Brahma'' මෙහෙයුමේ කොටසක් ලෙස ඉන්දියාව විසින් මානුෂීය ආධාර සහ ආපදා සහන ද්‍රව්‍ය මෙට්‍රික් ටොන් 625 ක් මියන්මාරයට ලබා දී ඇති බව ඉන්දීය විදේශ කටයුතු අමාත්‍යාංශය පවසයි.
මාර්තු 28 දා මියන්මාරයට බලපෑ විනාශකාරී භූමිකම්පාවෙන් පසුව, සෙවීම් සහ මුදාගැනීම (SAR), මානුෂීය ආධාර, ආපදා සහන සහ වෛද්‍ය ආධාර ඇතුළු අවශ්‍ය සහාය සැපයීම සඳහා ''Operation Brahma'' බ්‍රහ්ම දියත් කළේය.
අසල්වැසි ප්‍රදේශයේ අර්බුදකාරී කාලවලදී පළමු ප්‍රතිචාරකයා වීම, බ්‍රහ්ම මෙහෙයුම යනු මියන්මාරයේ පුලුල්ව පැතිරුනු විනාශයට ප්‍රතිචාර දැක්වීම සඳහා ඉන්දියාව විසින් කරන ලද සමස්ත රජයේ ප්‍රයත්නයකි.
මේ වන විට ගුවන් යානා හයක් සහ ඉන්දීය නාවික හමුදාවේ නෞකා පහක් මගින් මෙට්‍රික් ටොන් 625 ක මානුෂීය ආධාර සහ ආපදා සහන ද්‍රව්‍ය මියන්මාරයට ලබා දී ඇති බව ඉන්දීය විදේශ කටයුතු අමාත්‍යංශය නිවේදනයක් නිකුත් කරමින් පවසා තිබේ.
සෞඛ්‍ය හා පවුල් සුබසාධන අමාත්‍යාංශය විසින් සපයන ලද කූඩාරම්, බ්ලැන්කට්, අත්‍යවශ්‍ය ඖෂධ සහ ආහාර වැනි සැපයුම් ටොන් 15 ක් ඇතුළුව පළමු ආධාර තොගය ඉන්දියාව මියන්මාරයට ලබා දී ඇති අතර එය C-130J ගුවන් යානයක් භාවිතා කරමින් මාර්තු 29 වන දින යැංගෝන් වෙත ගොඩ බැස්ස වූ බව ද එම නිවේදනයේ සඳහන්.
අසල්වැසි ප්‍රදේශයේ අර්බුදකාරී කාලවලදී ඉන්දියාව සෑමවිටම පළමු ප්‍රතිචාරකයා වන බව ද එම නිවේදනයේ දැක්වේ.
බ්‍රහ්ම මෙහෙයුම යනු මියන්මාරයේ පුලුල්ව පැතිරුනු විනාශයට ප්‍රතිචාර දැක්වීම සඳහා ඉන්දියාව විසින් කරන ලද සමස්ත රජයේ ප්‍රයත්නයකි.
IAF C-130J ගුවන් යානා දෙකක සෙවුම් සහ මුදාගැනීමේ විශේෂඥයින් 80 දෙනෙකු, උපකරණ සහ සහන ද්‍රව්‍ය ඇතුළත් වූ බව ද එම අමාත්‍යශය පවසයි.
තවත් ගුවන් යානයක් පුද්ගලික ආරක්ෂක උපකරණ, සෙවීම් සහ සන්නිවේදන උපකරණ සහ ගලවා ගැනීමේ උපකරණ ටොන් 17 ක් ද, අනෙක් යානයෙන් ටොන් 5 ක සනීපාරක්ෂක කට්ටල, ආහාර පැකට්, අත්‍යවශ්‍ය ඖෂධ, මුළුතැන්ගෙයි කට්ටල, බ්ලැන්කට් ආදිය ද රැගෙන ගොස් තිබේ.
