ඔක්තෝම්බර් 07 වනදා ඊශ්‍රායලයට එල්ල කල ප්‍රහාරයෙන් පසුව හමාස් සංවිධානය විසින් ගාසා තීරයේ පිහිටි විශාලතම රෝහල වන අල් ෂිෆා රෝහලට ප්‍රාණ ඇපකරුවන් රැගෙන ගොස් ඇතැයි ඊශ්‍රායලය පවසනවා.
ඊට අදාළ දර්ශන ද ඊශ්‍රායල හමුදාව විසින් නිකුත් කර ඇතැයි විදෙස් මාධ්‍ය වාර්තා කළා. අල්ෂිෆා රෝහලේ සවිකර තිබූ ආරක්ෂිත කැමරාවල පටිගත වී තිබූ දත්ත මගින් ඊශ්‍රායල හමුදාව ඒ බව අනාවරණ කර ගෙන ඇති බවයි පැවසෙන්නේ.
]
එලෙස ප්‍රාණඇපකරුවන් ලෙස රැගෙන ආ පිරිස අතර සිටි ඊශ්‍රායල සෙබළෙකු රෝහලේදී ඝාතනය කර ඇති බවයි ඊශ්‍රායල හමුදාවේ ප්‍රකාශකයෙකු අනාවරණ කර ඇත්තේ.
එමෙන්ම ඊශ්‍රායලයට එල්ල කල ප්‍රහාරයෙන් අනතුරුව හමාස් සටන්කාමීන් විසින් ගාසා තීරයට රැගෙන ආ 19 හැවිරිදි තරුණියක්ද එම රෝහලේදී ඝාතනය කර ඇති බවයි ඊශ්‍රායල හමුදාව අනාවරණ කළේ.
]මේ අතර හමාස් සංවිධානයේ අණදෙන මධ්‍යස්ථානයක් යැයි පවසන ස්ථානයේ උමං මාර්ගයක් සොයාගත් බව ද ඊශ්‍රායල හමුදාව පවසනවා. කෙසේවෙතත් හමාස් සංවිධානය එය ප්‍රතික්ෂේප කර තිබෙනවා.
