පාකිස්තානය විසින් ඇෆ්ගනිස්තානයට ගුවන් ප්‍රහාර එල්ලකර තිබෙනවා.
වලින් මේ වන විට පුද්ගලයින් 46 දෙනෙකු මියගොස් තිබෙන බව විදෙස් මාධ්‍ය වාර්තා කරනවා .
එම මාධ්‍ය සඳහන් කරන්නේ මියගොස් සිටින පිරිස අතරින් වැඩි පිරිසක් දරුවන් සහ කාන්තාවන් බවයි .
තලෙයිබාන් ත්‍රස්තයින් සැඟවී සිටින බවට සැක කෙරෙන ස්ථාන වෙත පාකිස්තානය මෙලෙස ගුවන් ප්‍රහාර එල්ලකර තිබෙන බවයි එරට මාධ්‍ය වාර්තා කරන්නේ.
ඒ අනුව නත්තල් උදාව මැද ඇෆ්ගනිස්තානයේ ගම්මාන කිහිපයක් ඉලක්ක කරගනිමින පාකිස්තානය ගුවන් ප්‍රහාර මාලාව එල්ල කර තිබුන බවයි වාර්තා වුණේ.
පාකිස්තානයේ මෙම ප්‍රහාරවලට නිසැකවම ප්‍රතිචාර දක්වන බව තලෙයිබාන් සංවිධානය අනතුරු අඟවා තිබෙන බව වාර්තා වෙනවා .
