දිවයිනේ ප්‍රදේශ රැසකට බලපා ඇති දැඩි වියළි කාලගුණික තත්ත්වය හේතුවෙන් වාරිමාර්ග දෙපාර්තමේන්තුවට අයත් ජලාශ රැසක ජල මට්ටම සීඝ්‍ර ලෙස පහත බැස තිඛෙනවා.
වාරිමාර්ග දෙපාර්තමේන්තුවේ ජල කළමනාකරණ හා පුහුණු අධ්‍යක්ෂ මෝහන රාජා සඳහන් කළේ ජලාශ බොහෝමයක ජල මට්ටම සියයට 35 දක්වා පහත බැස ඇති බවයි.
අනුරාධපුර සහ කුරුණෑගල යන දිස්ත්‍රික්කවල පිහිටි වාරිමාර්ග දෙපාර්තමේන්තුවට අයත් කුඩා හා මධ්‍යම පරිමාණයේ ජලාශ රැසක ජල මට්ටම අඩු වී තිඛෙනවා.
මේ නිසා එම ප්‍රදේශවල ජනතාවට පානීය ජල ගැටලූවක් ද පවතින බවයි වාර්තා වන්නේ.
මේ අතර රජරට විශ්ව විද්‍යාලයේ මිහින්තලය පරිශ්‍රයේ පීඨ 3ක් තාවකාලිකව වසා දමා තිඛෙනවා.
ඒ, පවතින පානීය ජල හිඟය හේතුවෙන්. සමාජ විද්‍යා සහ මානව ශාස්ත්‍ර පීඨය, ව්‍යවහාරික විද්‍යා පීඨය සහ කළමනාකරණ පීඨය මෙලෙස වසා දමා තිඛෙනවා.
ඒවා නැවත විවෘත කරන දිනයක් මේ දක්වා තීරණය කර නැහැ.
