රත්මලාන ප‍්‍රදේශයේ ගොඩනැගිල්ලක අද (06) අළුයම ගින්නක් ඇති වී තිබෙනවා.
එම ගින්න මෙතෙක් පාලනය කර නොමැති බවයි වාර්තා වන්නේ. ගින්න හටගෙන ඇත්තේ රථ වාහන සේවා සපයන ආයතනයක් ආසන්නයේ ඇති ගොඩනැගිල්ලකයි.
ගින්න මැඩපැවැත්වීම සදහා ගිනි නිවීම් රථ දෙකක් යොමුකර ඇති බවයි දෙහිවල ගල්කිස්ස ගිනි නිවීම් ඒකකය සදහන් කළේ. මොරටුව නගර සභාවේ ගිනි නිවන රථයක්ද එම ස්ථානයට පැමිණ තිබෙනවා.
ගිනි ගැනීමට ලක් වූ ගොඩනැගිල්ලේ රසායනික ද්‍රව්‍යක් තිබීම හේතුවෙන් ගින්න පාලනය තරමක් අපහසු වී ඇතැයිද දෙහිවල ගල්කිස්ස ගිනි නිවීම් ඒකකයේ ප‍්‍රකාශකයෙකු නෙත් නිවුස් වෙත කියාසිටියා.
