දළ පූට්ටූවාගේ ඝාතකයන් තවදුරටත් රිමාන්ඩ්

ගල්ගමුවේ දළ පූට්ටුවා ඝාතනය කළ බවට චෝදනා ලබා සිටින සැකකරුවන් අට දෙනා ඉදිරිපත් කළ ඇප අයදුමක් මහව මහේස්ත්‍රාත් අධිකරණය අද (26) නැවත ප්‍රතික්ෂේප කළා.

ඒ, එම සැකකරුවන් ලබන ජනවාරි 9 වනදා දක්වා තවදුරටත් රක්ෂිත බන්ධනාගාරගත කරමින්.

දළ පූට්ටුවා ඝාතනයට යොදාගත් බව කියන ගිනි අවිය රජයේ රස පරීක්‍ෂකවරයා වෙත සහ දළ පූට්ටුවාගෙන් ලබාගත් ශරීර කොටස් ඩී එන් ඒ පරීක්‍ෂණයක් සඳහා බොරැල්ල ජින්ටෙක් ආයතනයට භාර දෙන ලෙසද මෙහිදී නියෝග කෙරුණා.

සැකකරුවන්ගෙන් දෙදෙනෙකු ග්‍රාම නිලධාරීන් වනවා.