1990 සුව සැරිය හදිසි ගිලන් රථ සේවාව සඳහා තවත් ගිලන් රථ 209 ක් ලබාදීමට ඉන්දීයාව තීරණය කර තිබෙනවා.
ඒ, එම සේවාවේ දෙවන අදියර සඳහායි.
එය අමෙරිකානු ඩොලර් මිලියන 15 ක ප්රදානයක් බවයි අග්රාමාත්ය කාර්යාලය පැවසුවේ.
ඊට අදාළ ගිවිසුමට අත්සන් තැබීම අරලියගහ මන්දිරයේදී අද (03) සිදු කිරීමට නියමිතයි.
ශී්ර ලංකාවේ ඉන්දීය මහකොමසාරිස් තරංජිත් සිං සංදු සහ නියෝජ්ය අමාත්ය ආචාර්ය හර්ෂ ද සිල්වා ඊට අත්සන් තබනු ඇති.
1990 සුවසැරිය හදිසි ගිලන් රථ සේවාව යටතේ මුල් අදියරේදී ගිලන් රථ 88 ක් හිමි වුණා. ඒවා බස්නාහිර සහ දකුණු පළාත් සඳහා යොදවා තිබෙනවා.
ඒ යටතේ ශී්ර ලාංකිකයින් 550 ක් රැකියාවල යෙදෙන බවයි අග්රාමාත්ය කාර්යාලය කියාසිටියේ. අද දින ශී්ර ලංකාවට ලැබෙන ගිලන් රථ සියළු දිස්ති්රක්ක ආවරණය වන පරිදි යෙදවීමටයි තීරණය කර ඇත්තේ.