යුක්රේනය සහ රුසියාව අතර උණුසුම් තත්වයක් හටගෙන තිබෙනවා.
ඒ, සිය මුහුදු සීමාව උල්ලංඝණය කළ බව පවසමින් යුක්රේනයට අයත් නාවික යාත‍්‍රා 03ක් රුසියාව සිය භාරයට ගැනීමත් සමගයි.
එහිදී වෙඩි හුවමාරුවක් ද සිදුව ඇති බවයි විදෙස් මාධ්‍ය වාර්තා කළේ.
ඒ සමග ක‍්‍රියාත්මක වූ රුසියානු ආරක්ෂක අංශ යුක්රේන ප‍්‍රහාරක නාවික යාත‍්‍රා 02ක් සහ ටග් යාත‍්‍රාවක් සිය භාරයට ගෙන තිබෙනවා. මෙහිදී සිදු වූ වෙඩි තැබීමෙන් යුක්රේන නැවියන් කිහිපදෙනෙකු ද තුවාල ලබා ඇති බවයි විදෙස් මාධ්‍යයන්හි දැක්වෙන්නේ.
