රියෝ ඔලිම්පික් ක‍්‍රීඩා උළෙලේ සමාරම්භක උත්සවය මේ වන විට පැවැත්වෙනවා. ඒ, බ‍්‍රසීලයේ රියෝද ජැනයිරෝ නුවර මරකානා ක‍්‍රීඩාංගණයේදීයි.
රටවල් 206ක ක‍්‍රීඩක කී‍්‍රඩිකාවන්, පුහුණුකරුවන් හා නිලධාරීන් දස දහස් පන්සීයකට වැඩි පිරිසක් මෙවර ඔලිම්පික් ක‍්‍රීඩා උළෙල සදහා සහභාගි වී සිටිනවා. ඔවුන් ක‍්‍රීඩාංගණයට පිවිසියේ තමන් නියෝජනය කරන රටෙහි ධජය පෙරටුකර ගනිමින්.
කණ්ඩායම් නායකයින් විසින් ඒ ඒ රටෙහි ජාතික ධජය රැගෙන ආවා. ඔවුන් සමග පැළයක් රැගත් කුඩා දරුවෙකු හෝ දැරියක ද ගමන් කිරීම විශේෂත්වයක්. ක‍්‍රීඩාංගණයට පළමුවෙන්ම පැමිණියේ ග‍්‍රීසිය නියෝජනය කරන කණ්ඩායමයි.
රියෝ ඔලිම්පික් ක‍්‍රීඩා උළෙලේ සමාරම්භක උත්සවය ආරම්භ වූයේ බ‍්‍රසීලයේ ජාතික ගීය ගායනා කිරීමෙන්. ක‍්‍රීඩක ක‍්‍රීඩිකාවන් පුහුණුකරුවන් සහ නිලධාරීන් කණ්ඩායම් ලෙස ක‍්‍රීඩාංගණයට පිවිසීමට පෙර විචිත‍්‍රාංග කිහිපයක් ද ඉදිරිපත් කෙරුණා.
මෙම විචිත‍්‍රාංගවලින් නිරූපණය කෙරුණේ බ‍්‍රසීලයේ අභිමානය සහ ලෝකයම එකම ජාතියක් බවයි. දියුණු නූතන තාක්ෂණය ද මේ සදහා යොදාගෙන තිබුණා.
සමාරම්භක උළේලේ ඡායාරූප පහතින් නරඹන්න
