විවිධ වැරදි සම්බන්ධයෙන් චෝදනා ලද පාකිස්තාන වැසියන් 12,000 කට වැඩි පිරිසක් විවිධ රටවල බන්ධනාගාර තුළ සිරගතව සිටින බව පාකිස්තානය පවසනවා.
එරට මාධ්‍ය පැවසුවේ පාකිස්ථානයේ විදේශ කටයුතු අමාත්‍යාංශය වි ඒ පිළිබඳ තොරතුරු පාර්ලිමේන්තුවේ පහළ මන්ත්‍රී මණ්ඩලය වෙත ඉදිරිපත් කර ඇති බවයි.
ඉන් වැඩි පිරිසක් රඳවා සිටින්නේ මැදපෙරදිග කලාපීය රටවල බව ද සඳහන්.
එලෙස මැදපෙරදිග කලාපීය රටවල සිරමැදිරි තුළ සිටින පිරිසෙන් වැඩිම පිරිසක් එක්සත් අරාබි එමීර් රාජ්‍යයේ බන්ධනාගාර තුළ සිටින බව ද වාර්තා වනවා.
එලෙස සිරදඬුවම් විඳින පාකිස්තාන පුරවැසියන් 6,200ක් පමණ වන බව ද සඳහන්.
පකිස්තාන විදේශ කටයුතු අමාත්‍යාංශයේ සංඛ්‍යා ලේඛනවලට අනුව පාකිස්තාන පුරවැසියන් 1,612 ක් අබුඩාබි හි සිරමැදිරි තුළ රඳවා සිටිනවා.
රියාද්හි 1,596 ක් ද, ජෙඩාහි 1,504 ක් ද, ඩුබායි හි 1,488 ක් ද සිරගතව සිටින බවයි වාර්තා වන්නේ.
