ඉන්දීය සුපිරි බොලිවුඩ් නළු සල්මන් ඛාන් ජීවත් වන මුම්බායි බන්ද්රා හි පිහිටි Galaxy Apartments නිවාස සංකීර්ණය ඉදිරිපිට වෙඩි තැබීමක් සිදුව ඇති බව ඉන්දීය මාධ්ය වාර්තා කර තිබෙනවා.
එම වෙඩි තැබීම සිදුව ඇත්තේ අද උදෑසන අලුයම 5 ට පමණ බවයි ඉන්දීය මාධ්ය පැවසුවේ.
යතුරුපැදියකින් පැමිණි නාඳුනන තුවක්කුකරුවන් දෙදෙනකු විසින් වෙඩි ප්රහාර හතරක් පමණ එල්ල කර ඇති බවයි වාර්තා වන්නේ.
සිද්ධිය සම්බන්ධයෙන් ප්රාදේශීය පොලිසිය සහ අපරාධ අංශය පරීක්ෂණ ආරම්භ කර තිබෙන අතර අධිකරණ වෛද්ය විද්යා විශේෂඥයින් කණ්ඩායමක්ද විමර්ශන ආරම්භ කර තිබෙනවා.
පසුගිය වසරේ මාර්තු මාසයේදී ද සල්මන් ඛාන්ට තර්ජනය කරමින් ඔහුගේ කාර්යාලයට ඊමේල් පණිවිඩයක් ලැබී ඇති බවයි ඉන්දීය මාධ්ය වැඩිදුරටත් පැවසුවේ.