අමෙරිකානු ජනාධිපතිවරණයෙන් ජය ලැබූ ඩොනල්ඩ් ට්‍රම්ප්ට ලෝක නායකයින් රැසක් සුබ පැතුම් එක් කර තිබෙනවා.
ඉන්දීය මාධ්‍ය පැවසුවේ එලෙස සුබ පැතුම් එක් කළ ලෝක නායකයින් අතර අග්‍රාමාත්‍ය නරේන්ද්‍ර මෝදි ද පෙරමුණේ පසුවන බවයි.
ඒ අනුව මෝදි ඊයේ ට්‍රම්ප්ට දුරකථන ඇමතුමක් ලබා දී ඇති බවයි වාර්තා වන්නේ.
සිය X ගිණුමෙහි සටහනක, මෝදි සටහන් කළේ “ඔබේ ඓතිහාසික මැතිවරණ ජයග්‍රහණයට මගේ මිතුරා @realDonaldTrumpට හදවතින්ම සුබ පැතුම්” එක් කරන බවයි.
ට්‍රම්ප් සිය දෙවන ධුර කාලය සඳහා බලයට පත්වන බැවින් ඉන්දු-එක්සත් ජනපද සබඳතා වඩාත් ඉහළ මට්ටමකට ගෙන යාමට හැකි වනු ඇතැයි ද අග්‍රාමාත්‍ය මෝදි විශ්වාසය පළ කර තිබෙනවා.
