ශ්‍රී ලංකා කණ්ඩායම සමග පැවැත්වෙන තුන්වන එක්දින ක්‍රිකට් තරඟයේ ලකුණු 291ක ඉලක්කයක් හඹා යන නවසීලන්ත කණ්ඩායම මේ වන විට දැඩි අසීරුතාවකට පත්ව තිබෙනවා.
ඒ, පන්දුවාර 16ක් අවසානයේ ලකුණු 72කට කඩුලු 06ක් දැවී යාම හේතුවෙන්.
තරඟයේ කාසියේ වාසිය දිනා පළමුවෙන් පන්දුවට පහරදුන් ශ්‍රී ලංකාව නියමිත පන්දුවාර 50 අවසානයේ කඩුලු 8ක් දැවී රැස්කළ ලකුණු සංඛ්‍යාව 290ක්.
පැතුම් නිස්සංක වේගවත් ලකුණු 66ක් රැස්කිරීමට සමත් වුණා.
පන්දු 42කට මුහුණ දුන් පැතුම්ගේ ඉනිමට හයේ පහර 5ක් හා හතරේ පහර 6ක් ඇතුළත්.
ඒ අනුව පැතුම් අද සිය 16වැනි එක්දින අර්ධ ශතකය වාර්තා කළා. කුසල් මෙන්ඩිස් ලකුණු 54ක් හා ජනිත් ලියනගේ 53ක් රැසි කිරීමට සමත් වුණා. කමිදු මෙන්ඩිස් ලකුණු 46ක් රැස් කළා.
පන්දු යැවීමේදී මැට් හෙන්රි ලකුණු 55කට කඩුලු 4ක් දවාගත්තා. ඒ අනුව ඔහුට එක්දින කඩුලු 150 සීමාව පසුකිරීමට හැකිවුණා.
ඉන් අනතුරුව පිටියට පිවිසි නවසීලන්ත කණ්ඩායමේ මුල් පෙළ අසාර්ථක වුණා. ලකුණු 21ක් තුළ මුල් කඩුලු 05 බිඳ වැටුණා.
