මෝටර් රථ විශාල ප්‍රමාණයක් රැගත් “ස්ප්‍රින්ග් ස්කයි” නෞකාව පසුගියදා කොළඹ වරාය වෙත ළඟාවිය.
මෙය මෝටර් රථ ප්‍රවාහනය(Car Carrier) සඳහාම යොදා ගැණෙන නෞකාවකි.
මීටර 165 ක දිගකින් සමන්විත මෙම නෞකාව මෙම වසර තුළ වාහන රැගෙන කොළඹ වරායට ආ විශාලතම නෞකාවන්ගෙන් එකක් ලෙසද හැඳින්විය හැකිය.
ඉන්දියාවේ ඉනෝරා වරායේ සිට පැමිණි මෙම නෞකාව මඟින් ගෙන ආ මෝටර් රථ සංඛ්‍යාව 1539 කි.
ශ්‍රී ලංකා වරාය අධිකාරියේ ECT පර්යන්තයෙහි නැංගුරම් ගත කළ පළමු වාහන නෞකාව මෙය වන බව ශ්‍රී ලංකා වරාය අධිකාරියේ මෙහෙයුම් අධ්‍යක්ෂ ජයන්ත පෙරේරා මහතා පවසයි.
