කළුතර බන්ධනාගාර බස් රථයට ප්‍රහාර එල්ල කිරීම සඳහා ආධාර අනුබල ලබා දුන් තවත් පුද්ගලයින් දෙදෙනෙකු අත්අඩංගුවට ගත් බව කොළඹ අපරාධ කොට්ඨාසය පෙන්වා දෙනවා.
කළුතර උතුරු පොලිස් වසමේ එතනමඩල ප්‍රදේශයේදී බන්ධනාගාර රැඳවියන් ප්‍රවාහනය කරමින් තිබූ බස් රථ දෙකකට ප්‍රහාරයක් එල්ල වුණේ ඉකුත් පෙබරවාරි 27 වැනිදායි.
එම ප්‍රහාරයෙන් පාතාල ක්‍රියාකාරිකයෙකු වූ සමයං නැමැත්තා ඇතුළු බන්ධනාගාර රැඳවියන් 05 දෙනෙකු සහ බන්ධනාගාර නිලධාරීන් දෙදෙනෙකු ඝාතනයට ලක් වුණා.
ඊයේ (08) සවස 5.30 ත් 07.30 අතර කාලයේදී අතුරුගිරිය පොලිස් වසමේ ස්ථාන දෙකකදී කොළඹ අපරාධ කොට්ඨාසයේ නිලධාරීන් කණ්ඩායමක් විසින් මෙම සැකකරුවන් අත්අඩංගුවට ගෙන තිබෙනවා.
අත්අඩංගුවට ගත් සැකකරුවන්ගේ වයස අවුරුදු 27 ක් පමණ වන බවයි අනාවරණය වී ඇත්තේ. ඔවුන් අතුරුගිරිය ප්‍රදේශවල පදිංචිකරුවන් වනවා.
