හිටපු අමාත්‍ය මර්වින් සිල්වාගේ පුත් මාලක සිල්වා බි‍්‍රතාන්‍ය ජාතික යුවලකට රාත‍්‍රී සමාජ ශාලාවක දී පහර දී තුවාල සිදු කළ බව කියන සිද්ධිය සම්බන්ධයෙන් වන නඩුව ඔක්තෝම්බර් 24 වැනිදා යළි කැඳවීමට නියම කෙරුණා.
ඒ සිද්ධියට අදාල නඩුව කොළඹ මහේස්ත‍්‍රාත් අධිකරණයේදී අද කැඳවූ අවස්ථාවේදීයි.
මෙම සිද්ධිය සම්බන්ධයෙන් මෙතෙක් නීතිපතිවරයාගේ උපදෙස් ලැබී නොමැති බවයි කොළඹ අපරාධ කොට්ඨාශය අධිකරණයට දැනුම්දී ඇත්තේ.
මේ අතර බි‍්‍රතාන්‍ය ජාතිකයා විසින් මාලක සිල්වා නැමැත්තාට පහරදුන් බව කියන සිද්ධියට අදාළ නඩුව ද මෙම දිනට කල් තැබීමට කොළඹ අතිරේක මහේස්ත‍්‍රාත් ජේරාම් ට්‍රොස්කි අද නියෝග කළා.
