දිවයිනේ ප‍්‍රදේශ රැසකට බලපා ඇති තද සුළං තත්වය ක‍්‍රමයෙන් අඩුවනු ඇතැයි කාලගුණ විද්‍යා දෙපාර්තමේන්තුව පවසනවා. දිවයින අභ්‍යන්තරයේ මෙන්ම දිවයින වටා වන මුහුදු ප‍්‍රදේශවල ද පවතින සුළං තත්වය හෙට (11) වන තෙක් පැවතිය හැකි බවයි දැනටමත් ප‍්‍රකාශ වී ඇත්තේ.
ඒ අනුව බස්නාහිර, දකුණ, මධ්‍යම, උතුර, උතුරුමැද සහ වයඹ පළාත්වලට මෙන්ම මොණරාගල දිස්ත‍්‍රික්කයට ද විටින් විට පැයට කිලෝමීටර් 60 දක්වා තද සුළං ඇති විය හැකි බවයි කාලගුණ විද්‍යා දෙපාර්තමේන්තුව පවසන්නේ. මුහුදේ සුළං තත්වය ද පැයට කිලෝමීටර් 50ත් 70ත් අතර පැවතිය හැකි බවටයි ප‍්‍රකාශ කෙරුණේ.
