හොංකොං රාජ්‍යයේ සංචාරය කිරීමේදී ඔවුන්ගේ ආරක්ෂාව සම්බන්ධයෙන් දැඩි අවධානයෙන් පසුවන ලෙස තායිවාන රජය සිය ජනතාවට අනතුරු අඟවා තිබෙනවා.
ඒ, චීනයේ බලය සහිත ව්‍යවස්ථාදායක සභාව විසින් හොංකොං විශේෂ පරිපාලන කලාපයේ දින දෙකකට පෙර නව ජාතික ආරක්ෂක නීතියක් සම්මත කිරීමෙන් අනතුරුවයි.
මෙම නව නීතිය මගින් රාජද්‍රෝහීත්වය, දේශද්‍රෝහීත්වය සහ රාජ්‍ය රහස් ආවරණය කරන අතර, නඩු විභාග සංවෘත භාවයෙන් තොරව පැවැත්වීමට ඉඩ සලසන බව විදෙස් මාධ්‍ය වාර්තා කළා.
එහිදී වරදකරුවන් වන පුද්ගලයින්ට උපරිම දඬුවම ජීවිතාන්තය දක්වා සිරදඬුවමක් වනවා.
ඊට අමතරව ඔත්තු බැලීමට එරෙහිව වසර 20 ක සිර දඬුවමක් ක්‍රියාත්මක කරන බව ද සඳහන්.
එබැවින් තායිවාන වැසියන් හොංකොං වෙත ඇතුළු වීමට කැමති නම්, ඔවුන් කවදා හෝ චීනයේ දේශපාලනය හෝ ආර්ථිකය විවේචනය කරන කිසිවක් සමාජ මාධ්‍යවල පළ කර තිබේද නැතහොත් ඔවුන්ගේ ජංගම දුරකථනවලින් ඒ සම්බන්ධයෙන් යමක් ප්‍රකාශ කර තිබේද යන්න පිළිබඳව අවධානය යොමු කළ යුතු බවයි වාර්තා වන්නේ.
හොංකොං හි සංචාරය කරන සිය රට වැසියන්ගේ ආරක්ෂාව සම්බන්ධයෙන් සමීපව නිරීක්ෂණය කරන බව ද තායිවාන රජය ප්‍රකාශ කළා.
